Di Zun vet Aruntergeyn
(The Sun Will Set)
(Moyshe Leyb Halperin, Music: Ben Yomen)
די זון װעט אַרונטערגײן הינטערן באַרג
װעט קומען אַ שטילע די ליבע צו גײן
װעט קומען אַ שטילע די ליבע צו גײן
צום אומעט װאָס זיטסט אױף אַ גאָלדענעם שטײן
און װײנט פֿאַר זיך אײנעם אַלײן
די זון װעט אַרונטערגײן הינטערן באַרג
װעט קומען די גאָלדענע פּאַװע צו פֿליִען
װעט קומען די גאָלדענע פּאַװע צו פֿליִען
און מיטנעמען װעט זי אונדז אַלע אַהין
אַהין װוֹ די בענקשאַפֿט װעט ציִען
די זון װעט אַרונטערגײן הינטערן באַרג
װעט קומען די נאַכט און װעט זינגען ליו-ליו
װעט קומען די נאַכט און װעט זינגען ליו-ליו
אַריבער די אױגן װאָס פֿאַלן שױן צו
צו שלאָפֿן אין אײביקער רו
Di zun vet aruntergeyn hintern barg,
vet kumen a shtile di libe tsu geyn;
vet kumen a shtile di libe tsu geyn
tsum umet, vos zitst oyf a goldenem shteyn
un veynt far zikh eynem aleyn,
tsum umet, vos zitst oyf a goldenem shteyn
un veynt far zikh eynem aleyn.
Di zun vet aruntergeyn hintern barg,
vet kumen di goldene pave tsu flien;
vet kumen di goldene pave tsu flien,
un mitnemen vet zi undz ale ahin,
ahin vu di benkshaft vet tsien,
un mitnemen vet zi undz ale ahin,
ahin vu di benkshaft vet tsien.
Di zun vet aruntergeyn hintern barg,
vet kumen di nakht un vet zingen lyu-lyu;
vet kumen di nakht un vet zingen lyu-lyu
ariber di oygn, vos faln shoyn tsu
tsu shlofn in eybiker ru,
ariber di oygn, vos faln shoyn tsu
tsu shlofn in eybiker ru.
Nice sung renditions with the tune I like:
https://www.youtube.com/watch?v=8INNpm3he-c
and:
https://www.youtube.com/watch?v=nCIUq1TRqIg
No comments:
Post a Comment